Një biznesmen i ri mbeti i tmerruar pasi supervetura e tij me vlerë prej rreth 140 mijë eurosh u përfshi nga flakët në një autostradë.
Sipas mediave të huaja, përcjell Telegrafi, Lak Sira, 22 vjeç, tha se ai pothuajse do të kishte mbetur i vdekur pasi Lamborghini Gallardo e tij u ngjit në tym ndërsa ai kaloi përgjatë M6 me të dashurën e tij të premten e kaluar.
Sipërmarrësi kishte qenë në rrugën e tij për në Londër dhe ndaloi pranë Birmingamit, West Midlands pasi vinte erë e benzinës.
Ai më pas u hodh nga supervetura e tij e “praruar me ari”, pasi dëgjoi një zhurmë të madhe dhe pa se automjeti luksoz u përfshi në flakë.
Ndërkohë, disa pamje të publikuara thuhet se tregojnë mbetjet e zeza të automjetit të djegur pasi ekipet e zjarrit kanë shuar flakën.
Çfarë bie në sy është fakti se biznesmeni ka thënë se kishte paguar rreth 10,000 paund për një servil të veturës, një orë para incidentit.
Lak, i cili fiton 200,000 funte në vit duke udhëhequr një kompani tregtare online, ka fajësuar neglizhencën e garazhit dhe ka thënë se po kërkon të ndërmarrë veprime ligjore kundër tyre. /Telegrafi/
