Bianca Censori, gruaja e Kanye West, tërhoqi vëmendjen sërish teksa pozoi me të brendshme të tejdukshme gjatë një xhiroje me rrota të dielën.
30-vjeçarja ndau pamjet provokuese në Instagram, të realizuara nga stilisti i saj Gadir Rajab, duke vijuar me paraqitjet e saj të guximshme që kanë shkaktuar debate të shumta më parë.
Ndërkohë, Kanye West ndezi polemika të mëdha me një postim në rrjetet sociale, ku ndau një imazh të një manteli të Ku Klux Klan, duke shkruar “Veshja e ditës”, shkruan DailyMail.
Ky veprim shkaktoi zemërim masiv, me shumë përdorues të medieve sociale që e kritikuan ashpër reperin.
Pas spekulimeve për një ndarje të mundshme, burime pranë çiftit kanë zbuluar se Bianca dhe Kanye po përpiqen të shpëtojnë martesën e tyre, pas disa bisedave të gjata për të gjetur një zgjidhje.
Reperi, i cili ka qenë i përfshirë më parë në deklarata kontroverse, është përballur me reagime të ashpra për qëndrimet e tij, ndërsa disa ndjekës të tij shprehen të zhgënjyer nga veprimet e fundit të artistit. /Telegrafi/
