Beyonce mbërrin në Itali për të marrë pjesë në dasmën italiane të Kourtney Kardashian dhe Travis Barker

Beyonce thuhet se ka fluturuar në Portofino të Italisë, në pritje të ceremonisë së ardhshme të martesës së Travis Barker dhe Kourtney Kardashian.

Sipas ‘Hello!’, këngëtarja 40-vjeçare dyshohet se u pa teksa po kalonte në një hotel në të njëjtin fshat ku po qëndron çifti.

Rezidenca e përkohshme e yllit të muzikës thuhet gjithashtu se është vendi ku shumë figura të tjera nga industria e argëtimit po qëndrojnë në pritje të ngjarjes festive.

Një burim foli për median dhe tha se disa nga të afërmit e Barker dhe Kardashian  kishin zgjedhur të qëndronin në të njëjtin vend përpara ceremonisë së ardhshme, shkruan DailyMail.

“Ishin rreth 20 miq dhe familjarë të çiftit që qëndronin në hotel dhe të gjithë ishin shumë miqësorë, me stil dhe të emocionuar për dasmën”, tha ky burim.

Burimi vazhdoi duke u shprehur se banorët e Portofino ishin të lumtur që familja Kardashian qëndronte në qytetin e tyre.

“Qyteti u çmend kur erdhën Kardashians – dhe të gjithë dukeshin të pabesueshëm nga afër dhe dukeshin kaq të lumtur që ishin në një vend kaq të bukur për dasmën”, thanë ata.

Sipas TMZ, Kourtney dhe Travis kanë marrë me qira shtëpinë historike të muzeut ‘Castello Brown’ që ndodhet në një kodër mbi portin Portofino.

Çifti thuhet se kanë marrë me qira të gjithë kështjellën, e cila u ndërtua gjatë kohës romake si mbrojtje ushtarake dhe do të festojnë dasmën e tyre gjatë katër ditëve të ardhshme.

Kardashian dhe Barker u lidhën për herë të parë në mënyrë romantike në janar të vitit të kaluar, kur për herë të parë lanë komente flirte në postimet e njëri-tjetrit në Instagram.

Çifti i lumtur më vonë doli publikisht me lidhjen e tyre me një postim në Instagram që u shpërnda menjëherë pas festës së Shën Valentinit.

Dyshja u panë më pas gjatë daljeve të ndryshme publike, dhe ata shpesh shpërndanin foto të njëri-tjetrit në llogaritë e tyre përkatëse në Instagram.

Më vonë u zbulua se Barker i kishte propozuar gjatë një udhëtimi në Montecito të Kalifornisë, që u zhvillua tetorin e kaluar.

Kardashian dhe Barker më vonë njoftuan se kishin mbajtur një ceremoni martese në Las Vegas.

U raportua se dyshja gjithashtu ishin martuar zyrtarisht në Santa Barbara në fillim të kësaj jave.

Çifti i lumtur dhe familja e tyre më vonë udhëtuan në Portofino për atë që po përflitet si një ceremoni martesore e plotë.

Dyshja nuk kanë bërë ende asnjë koment zyrtar në lidhje me udhëtimin e tyre në Itali. /Telegrafi/