“Beso në Mua” bëhet gati për sezonën e re – shfaqet në Dukagjini (Video)

Show-spektakli shumë i pëlqyer televiziv rikthehet në ekranin e Televizonit Dukagjini me një sezon të ri.

Dita e shtatë e janarit shënon fillimin e një udhëtimi të radhës me emisionin argëtues që do të transmetohet në TVD, për çdo të diel në orën 21:00, ku nikoqirja e “Beso në Mua”, Nexha, do t’i shoqërojë shikuesit për afro 1 orë.

Reprizat do të shfaqen çdo të hënë dhe të diele nga ora 15:00.

Beso në Mua, si projekt televiziv, ka filluar te shfaqet në Qershor të vitit 2015 si pilot projekt, e tutje duke treguar sukses ka vazhduar  me sezonin e dytë, të tretë dhe atë të katërt, i cili edhe paralajmërohet për këtë 7 janar.

Deri me tani janë LadyBird Production (Beso Në Mua) ka arritur që t’i shfaqë mbi 80 epizoda premierë.

Në këtë emision dizajnohet më e mira, realizohen koncepte duke bërë Dizajnime, Restaurime, Renovime dhe Dekorime të hapësirave të banimit, hapësirave të punës apo atyre publike.

Duke qenë që këtë sezonë do startohet në stinën dimërore, aktivitetet përgjatë projekteve të shfaqura do jenë të ndërlidhura me sensibilizim e shikuesve tonë mbi zhvillimet në ambientet tona të jetesës, si dhe mundësitë e riorganizimit e rregullimit të tyre, me efikasitetin më të madh.

Ngritja e efiçiencës së energjisë në vende banimi, prodhimi i energjisë alternative vetanake, mundësitë e izolimeve nëpër pika kyçe në shtëpitë tona do të jenë pika kryesore shpjeguese të cilat do zënë vend këtë dimër, e të cilat do  ndërlidhen me ato dizajne që mundësojnë ndjesinë e duhur për shtëpinë.
https://www.youtube.com/watch?v=sZ8-zrMYd3Q