Berisha: Mustafa po don ta destabilizojë vendin për të mbijetuar politikisht (Video)

Aleanca për Ardhmërinë e Kosovës, vlerëson se përpjekja e kryeministrit Mustafa qe brenda këtij viti të ratifikoj marrëveshjen për demarkacion me Malin e Zi është përpjekje e tij për të destabilizuar vendin.

Anton Berisha, anëtar i Kryesisë së kësaj partie, ka thënë se kryeministri në vend qe të gjetjes se një konsensusi për këtë çështje, ai po vazhdon në mënyre të një anshme të provokoj situatën dhe të destabilizoj vendin.

Berisha në një intervistë për emisionin ‘Fakt Plus’, me Leotrim Berishën ka thënë se Mustafa në vend të agjendës shtetërore ai ka venë para vetes agjendën personale.

Sa i përket murit në veri, anëtari i AAK-së, thotë se edhe kryeministri, por edhe ministrja për Dialog, Edita Tahiri kanë qenë në dijeni për ndërtimin e këtij muri, sepse muri, sipas tij, nuk ka mund të ndërtohet brenda natës.

Duke folur për vitin 2016, Berisha ka thënë se ka qenë një vit i tmerrshëm për qytetarët e Kosovës. Kjo qeveri sipas tij, ia ka humbur shpresat të gjitha shtresave shoqërore në Kosovë, duke shtuar se zgjedhjet e parakohshme duhet të ndodhin sa më shpejtë.