Steven Bergwijn ditë më parë i është bashkuar skuadrës londineze Tottenham Hotspur.
Sulmuesi i talentuar holandez u largua nga PSV Eindhoven për tu transferuar te Spurs për 30 milionë euro.
E qysh në ndeshjen e tij debutuese në Ligën Premier, Bergwijn realizoi gol në fitoren e Spurs 2-0 ndaj kampionit në fuqi Manchester City.
Holandezi ka thënë pas ndeshjes se e ka bërë realitet një ëndërr që kishte duke debutuar me gol në kampionatin anglez.
"Për mua është e pabesueshme, është një ëndërr e realizuar në debutimin tim", ka deklaruar Bergwijn.
Steven Bergwijn. (Photo by Catherine Ivill/Getty Images)
"Si fëmijë kam ëndërruar të luaj në Ligën Premier, kështu që debutimi me gol është diçka e jashtëzakonshme për mua", vazhdoi Bergwijn.
"Vërtetë jam shumë i lumtur për golin që shënova dhe fitoren që e morëm", përfundoi holandezi.
22-vjeçari erdhi te Spurs për ta zëvendësuar kapitenin e lënduar Harry Kane, derisa ka nënshkruar kontratë deri në vitin 2025. /Telegrafi/
