Berbatov flet për profesionalizmin e Ronaldos: Nuk pinte asnjë gotë as për festën e Krishtlindjes

Dimitar Berbatov, një bashkëlojtar i Cristiano Ronaldos te Manchester Unitedi, ka folur për zakonet e jashtëzakonshme të portugezit një intervistë për AS.

Ronaldo u largua nga Unitedi në vitin 2009 për tek Real Madridi, ku do të vazhdonte të arrinte sukses fenomenal të brendshëm dhe evropian. Portugezi u bashkua me Juventusin në verën e vitit 2018 dhe këtë javë shënoi një gol kundër Barcelonës në Ligën e Kampionëve.

Portugezi ka frymëzuar një histori të shkëlqyeshme në lidhje me përkushtimin e tij, shkalla ekstreme e së cilës i ka mundësuar atij që të ecë në hap me një talent jashtëtokësor si Lionel Messi. Dyshja konsiderohet të jenë dy nga futbollistët më të mirë që kanë luajtur ndonjëherë futboll.

Lexo po ashtu Ronaldo: Kurrë nuk e kam konsideruar Messin si rival, por mediat dhe spektakli kërkojnë diçka të tillë

“Unë kam qenë një djalë me fat që kam ndarë një sezon me Ronaldon”, ka thënë fillimisht Berbatov për gazetës AS.

“Stërvitja me të ishte si një luftë sepse nuk mendoja për asgjë tjetër përveçse të fitoja gjithçka, përfshirë ndeshjet në stërvitje. Cristiano ishte një fëmijë i mirë që rriti atmosferën konkurruese të ekipit”.

“Në ahengjet e Krishtlindjeve që ne organizuam, lojtarët kaluan shumë mirë, por ai ishte gjithmonë shumë profesionist. Kurrë nuk e kam parë madje të pijë një gotë. Ai kujdesej shumë për veten e tij”.

“Ne vinim në stërvitje dhe ai do të ishte tashmë në palestër. Pastaj, ai do të qëndronte për punë shtesë pas trajnimit, para se të shkonte për not dhe pastaj të kthente palestrën”.

“Ai ishte i vendosur të ishte më i miri”, përfundoi ish-sulmuesi bullgar.

Ronaldo shënoi 450 gola në 438 paraqitje për Real Madridin. Ai fitoi dy tituj në La Liga, dy Copa del Rey, dy Superkupa Spanjolle, katër Liga të Kampionëve, dy Superkupa Evropiane dhe tre Kupa të Botës për Klube. /Telegrafi/