Beqiri: Qeverisja e koalicionit të pakicës është duke i bërë dëme të mëdha shtetit

Lidha Demokratike e Kosovës, po vazhdon takimet me degët e saj, ku sot udhëheqësit e kësaj partie, kanë qëndruar në Shtime.

Sekretari i LDK-së, Ismet Beqiri ka theksuar se kanë informuar për të gjitha qëndrimet e organeve qendrore, për ato që janë të interesit të veçantë për vendin dhe LDK-në.

Postimi i Beqirit në Facebook:

Në Degën e LDK-së në Shtimje, në një takim dhe debat të hapur, në prezencen e strukturave të kësaj dege, u fol për aktualitetin politik në vendin tonë. I informuam për të gjitha qëndrimet e organeve tona qendrore për ato që janë të interesit të veçant për vendin dhe LDK-në. Si edhe në takimet tjera, konkludimi kryesor ishte: Vendi ynë është në një gjendje jo të mirë në shumë aspekte, mbi të gjitha qeverisja e koalicionit të pakicës, është duke i bërë dëme të mëdha shtetit dhe qytetarëve tonë. U dha perkrahje qendrimeve të lidershipit partiak dhe u theksua nevoja për mbajtjen sa më të shpejtë të zgjedhjeve nacionale. Falenderim Kryetarit të Degës z.Selim Shabani dhe strukturave të Degës për angazhimin e tyre.