Ben Godfrey pëson dëmtim të tmerrshëm ndaj Chelseat, largohet me barelë nga fusha

Ben Godfrey u largua me barelë nga fusha pas një dëmtimi të tmerrshëm në këmbë në ndeshjen hapëse të Evertonit në Ligën Premier kundër Chelsea sot (e shtunë) pasdite.

Mbrojtësi anglez ishte në formacionin titullar për ndeshjen e sotme, por u detyrua të largohej në fazat e hershme të ndeshjen në Goodison Park.

Everton e gjeti veten në telashe të vërteta kur një pasim mbrapa e detyroi Jordan Pickford të vihej në veprim.

Pickford, në përpjekje për të shpëtuar skuadrën e tij nga këndi, dhuroi topin për Kai Havertz në një pozicion të rrezikshëm.

https://twitter.com/connorreeddx/status/1555958857159114758

Nasty one for Godfrey! #EveChe pic.twitter.com/jWq9c9I7HA

— Milky® (@m1lkm1lk) August 6, 2022

Përsëritjet më vonë treguan se topi në fakt kishte dalë jashtë loje, por arbitri, Kevin Friend, lejoi që loja të vazhdonte.

Godfrey u kthye shpejt duke bërë një ndërhyrje të shkëlqyer rrëshqitëse për të larguar topin nga Havertz dhe për të shpëtuar skuadrën e tij.

Megjithatë, Godfrey mbeti në tokë me një dëmtim të dukshëm në këmbë pasi shpëtoi skuadrën e tij.

Pas ndërhyrjes menjëherë u ftuan stafi mjekësor për të trajtuar 24-vjeçarin dhe pas gati 10 minutave, Godfrey u largua me barelë nga fusha.

Më pas ai u fut në një ambulancë dhe u dërgua në spital. /Telegrafi/

How on earth has Godfrey’s foot ended up there 🤮 nasty one #EVECHE pic.twitter.com/PluykZwR6k

— GNUFC (@HGScout_) August 6, 2022

Godfrey’s foot did a full 360 pic.twitter.com/znwzZTDxxL

— Jakob (@UniOfRizz) August 6, 2022