Befason Unitedi, Southgate kandidat kryesor për trajner

Menaxheri i Anglisë, Gareth Southgate thuhet se është përzgjedhur nga Manchester United për tu bërë trajner i klubit nga Old Trafford.

Sipas mediumit The Telegraph, Djajtë e Kuq kanë një listë rezervë të kandidatëve për trajnerin e ri të ekipit.

Drejtuesit e klubit kanë frikë se zgjedhja e parë Mauricio Pochettino do të qëndrojë në Tottenham dhe kështu po shikojnë mundësi tjera.

Lexo po ashtu Këta janë pesë trajnerët më të mirë që udhëheqin me kombëtare

Sipas tyre, menaxheri i Anglisë, Southgate është i duhuri për të marr drejtimin e skuadrës për sezonin e ri.

Southgate vazhdoi kontratën me Anglinë në tetor dhe kjo kontratë do ta shohë atë të udhëheqë Tre Luanët deri në Kupën e Botës në Katar në viti 2022.

Gjithashtu thuhet se menaxheri 48-vjeçar i Anglisë thuhet se është i angazhuar për ekipin kombëtar dhe po kalon kohë të mira aty.

Lexo po ashtu Solskjaer, Pochettino, Zidane dhe 12 trajnerët tjerë që mund ta drejtojnë Unitedin në sezonin e ardhshëm

Prandaj, nuk është e sigurt që Southgate do të konsideronte ofertën e Unitedit, duke shpresuar që puna më prestigjioze në futbollin anglez do të jetë në dispozicion përsëri në të ardhmen.

Menaxheri i Tre Luanëve ka qenë jashtë trajnimit të skuadrave që nga viti 2009, kur u shkarkua nga Middlesbrough pas tre vitesh si trajner. /Telegrafi/