Batatina thotë se Llapi bëri dy hapa prapa për daljen në Evropë në barazimin me Dukagjinin

Llapi ka barazuar 1-1 ndaj Dukagjinit në kuadër të javës së 30-të në Albi Mall Superligën e Kosovës.

Me pikët e lëshuara, trajnerin Tahir Batatina ka thënë se ata do të luftojnë deri në vend për një vend në Evropë.

“Mendoj se nuk është dashur të barazojmë, por të fitojmë tri pikë. Pranuam një gol që nuk është dashur të pranohet”, ka deklaruar pas ndeshjes trajneri llapjan për ArtSport.

Lexo po ashtu Nuk ka fitues në Podujevë: Llapi dhe Dukagjini i ndajnë pikët

“Bëmë maksimumin për të barazuar dhe barazuam. Në pjesën e dytë kishim shumë raste por nuk konkretizuam”.

Kjo po na kushton me pikë. Ndeshje e vështirë, dy skuadra me botëkuptime të ndryshme. Por, i humbëm dy pikë”.

“Ky barazim është hap prapa, duhet të jemi realist. Por do të bëjmë maksimumin në ndeshjet deri në fund. Është dashur të bëjmë më shumë, por ndoshta po na mungon efikasitet në fazën e sulmit”.

“Po krijojmë shumë raste, por konkretizimi nuk është në nivelin e duhur. Si trajner e kam të vështirë të ndryshojë filozofinë e lojës”.

“Ne luajmë me aksione të rrjedhshme për të ardhur deri te finalizimi. Do të bëjmë maksimumin dhe do të mundohemi të përshtatim lojën varësisht kundërshtarit”, ka shtuar Batatina. /Telegrafi/