Bashkohuni me ne në gala mbrëmjen për mbledhjen e fondeve “Meet Us Halfway”

Pas suksesit të ngjarjes së përvitshme Let’s Dance në Kosovë, Aksioni për Nëna dhe Fëmijë është duke organizuar ngjarjen gala për mbledhjen e fondeve përtej oqeanit Atlantik, në qytetin e bukur të Nju Jorkut. 

“Meet Us Halfway” edicioni i tetë me radhë do të mbahet më 18 tetor në Yale Club (50 Vanderbilt Ave, New York, NY 10017), duke filluar nga ora 20:00.

Për mbi 11 vjet, AMC i është përkushtuar shpëtimit dhe përmirësimit të jetëve të nënave dhe fëmijëve në Kosovë, mbështetur nga angazhimi i palëkundur i diasporës shqiptare. 

Së bashku, ne kemi arritur: 

– 5000+ të porsalindur të shpëtuar përmes medikamentit jetik – Survanta

– 14,000 gra dhe vajza kanë kryer PAP teste pa kosto përmes Programit tonë të Skriningut të Kancerit të Qafës së Mitrës.

– 18 Qendra Informuese për Shëndetin e Grave të krijuara për të ofruar shërbime shëndetësore dhe këshilla

– Mbi 3 milion € pajisje mjekësore dhe medikamente të dhuruara për spitalet publike të vendit. 

Pavarësisht këtyre arritjeve, sistemi shëndetësor i Kosovës mbetet i brishtë dhe ne kemi nevojë për mbështetjen tuaj për të vazhduar këtë punë jetike.  

Me mbështetjen tuaj ne do të vazhdojmë të mbështesim gratë shtatzëna përmes programeve shëndetësore si: Kujdesi në Grup, Klasat për Nëna, Programi i Skriningut të Kancerit të Qafës së Mitrës, furinizimet për mbulimin e nevojave me medikamente dhe pajisje mjekësore në spitalet publike të Kosovës.

Bashkohuni me ne për një mbrëmje frymëzuese me folësen kryesore Emina Çunmulaj, filantrope dhe një figurë e rëndësishme në komunitetin shqiptar në Amerikë. 

Ndërsa mysafir special në këtë mbrëmje është Dr. Agron Abrashi i cili do të ndajë nga përvoja tij punën dhe angazhimin e tij si mjek dhe filantrop.   

Kjo ngjarje përfshin fjalime frymëzuese dhe program të dedikuar shëndetit të nënave dhe fëmijëve në Kosovë si dhe muzikë live dhe rrjetëzim. 

Bëhuni patriot – mbështetni gratë dhe fëmijët e Kosovës sot. Kontributi juaj siguron që puna jonë jetike të vazhdon.

 Së bashku, ne mund të bëjmë një ndryshim dhe të sigurojmë një të ardhme më të shëndetshme për nënat dhe fëmiijët!

Për më shumë detaje dhe për të blerë bileta, ju lutemi vizitoni LINKUN. 

Mezi presim t’ju shohim atje!