Bartomeu qetëson gjakrat te Barcelona pas takimeve me Messin dhe Abidalin

Presidenti i Barcelonës, Josep Maria Bartomeu ka ndërhyrë në krizën e prodhuar nga deklaratat e bëra nga Eric Abidal, i cili fajësoi lojtarët për shkarkimin e Ernesto Valverde, ndërsa Lionel Messi u përgjigj në këto deklarata duke kërkuar nga francezi të tregojë emra.

Bartomeu foli me të dy, të mërkurën, në mënyrë që të zbusë tensionin në klub.

Qëllimi kryesor i presidentit ishte që të mos lejojë që kjo mosmarrëveshje të rritet dhe të dal jashtë kontrollit, ndërsa ai nuk synon të ndërmarrë ndonjë veprim të menjëhershëm pasi shpreson që me kalimin e kohës gjërat të qetësohen.

Messi nuk dëshiron luftë. Nëse ai iu përgjigj Abidalit, ndodhi pasi ai është i ngopur me mbajtjen e përgjegjësi për gjithçka që ndodh në klub dhe aq më tepër në lidhje me një çështje aq delikate sa ishte largimi i Ernesto Valverdes.

Pra, për momentin, gjithçka është kthyer në normale. Kapiteni sot është stërvitur me ekipin, dhe mbetet i përqendruar për ndeshjen çerekfinale të Kupës së Mbretit ndaj Athletic Bilbaos.

Ndërsa Abidal do të mbetet si drejtor sportiv, tani për tani. /Telegrafi/