Barcelona refuzohet nga La Liga për regjistrimin e pesë blerjeve – i duhen edhe më shumë para, shitje të lojtarëve dhe ulje pagash

Presidenti i Barcelonës, Joan Laporta, ​​siguroi në prezantimin zyrtar të Robert Lewandowski se klubi Blaugrana kishte dorëzuar të gjithë dokumentacionin në La Liga për të kryer regjistrimin e të gjitha nënshkrimeve të reja.

Kreu më lartë i Blaugranave ishte shumë i sigurt, ndonëse bëri të ditur se janë në pritje të përgjigjes së përgjegjësive të garës.

Laporta foli edhe për burimet e gjeneruara në javët e fundit, ku sipas tij në klub janë futur 868 milionë euro.

Barça ka mbajtur takime të rregullta me La Liga prej javësh për të vlerësuar situatën dhe realitetin, por sipas burimeve ky klub për momentin nuk i plotëson kërkesat e nevojshme për të regjistruar pesë nënshkrimet e reja (Lewandowski, Kounde, Kessie, Christensen dhe Raphinha) dhe dy futbollistët që kanë ‘rinovuar’ (Dembele dhe Sergi Roberto).

La Liga e ka njoftuar tashmë ekipin ekonomik të Barcelonës për këtë rrethanë.

Sipas të njëjtave burime, klubi Blaugrana do të duhet të aktivizojë ‘levën’ e katërt (shitjen e 24.5 përqindëshit të Barca Studios) dhe të ulë më tej faturën aktuale të pagave, e cila është shumë mbi kufirin e lejuar nga La Liga.

Magician pic.twitter.com/j5nJLmNb4o

— FC Barcelona (@FCBarcelona) August 5, 2022

Nga shoqata e punëdhënësve është specifikuar gjithashtu se Barça, gjithashtu, duhet të kryejë disa shitje lojtarësh (mundësisht Frenkie De Jong dhe Memphis Depay) për t’u përshtatur me parametrat thelbësorë për të regjistruar nënshkrimet e reja.

Ka shumë të ngjarë që në fillim të javës së ardhshme Barça të aktivizojë ‘levën e katërt’ për të filluar regjistrimin e shtatë futbollistëve.

Xavi kërkon t’i ketë  në dispozicion për fillimin e La Ligës, që është më 13 gusht.

Klubi do të ketë kohë deri më 31 gusht të kryejë procedurat, atëherë kur mbyllet afati kalimtar. /Telegrafi/