Barcelona ka arritur një marrëveshje me bordin turistik të Republikës Demokratike të Kongos që të shfaqet si sponsor i ri në fanellën e tyre nga ky sezon e tutje.
Kjo marrëveshje do të sjellë të ardhura shtesë në arkën e klubit, pavarësisht shqetësimeve për rekordet e qeverisë në fushën e të drejtave të njeriut.
Blaugranasit kanë qenë në kërkim të vazhdueshëm të burimeve financiare gjatë tre viteve të fundit për të vazhduar sfidat e tyre për tituj, duke shitur 49.5 për qind të Barca Vision, 25 për qind të të drejtave të transmetimit për La Ligan për 25 vitet e ardhshme, dhe së fundmi, një marrëveshje 30-vjeçare për dhënien me qira të 475 ulëseve VIP.
Gjithashtu, ata kanë rinegociuar kontratën me sponsorin teknik Nike dhe kanë sjellë Spotify si sponsor kryesor të fanellës, duke shitur të drejtën e emërtimit të stadiumit ‘Camp Nou’ në të njëjtën kohë.
Sipas raportimeve të Mundo Deportivo dhe Sport, Barcelona ka arritur marrëveshje me bordin turistik të Republikës Demokratike të Kongos që vendi të shfaqet në mëngën e fanellës së tyre.
Barcelona do të mbajë shkrimin “DRC, zemra e Afrikës” në fanellë. Fondacioni Barca gjithashtu do të bashkëpunojë në projekte humanitare me RD Kongon dhe do të përpiqet të bashkëpunojë edhe me shkolla.
Klube si Milan dhe Monaco kanë bërë gjithashtu marrëveshje me Kongon, por ka shqetësime për situatën e të drejtave të njeriut në këtë vend.
Grupet rebele, të financuara nga Ruanda fqinjë, vazhdojnë luftën me forcat qeveritare, sipas Amnesty International.
Megjithatë, forcat qeveritare dyshohet se kanë kryer 250 ekzekutime jashtëligjore gjatë muajve të fundit.
Ekzistojnë gjithashtu shqetësime mbi sistemin e drejtësisë, ku aktualisht qeveria po ndjek penalisht avokatët e të drejtave LGBTQ+, ndërsa martesa mes personave të njëjtë ka kriminalizuar, një çështje që Barcelona e mbështet hapur./Telegrafi/
