“Barcelona ka qenë gjithmonë ekipi i preferuar” – David pa kontratë i jep sinjale gjigantit katalanas

Sulmuesi i Lille dhe Kanadasë, Jonathan David është bërë një nga më të ndjekurit në Evropë nga top klubet në kontinent.

Kontrata i skadon verën e ardhshme, ndërsa David ka vendosur të mos nënshkruajë një marrëveshjeje të re me Lille, për të mbetur në dispozicion për të nënshkruar pa pagesë me ndonjë klub tjetër.

Në moshën 24-vjeçare, një golashënues në rritje, ai është një mundësi e rrallë në treg dhe nuk ka mungesë të kërkuesve.

Barcelona po monitoron Davidin, por edhe Atletico Madrid gjithashtu e ka ndjekur, por interesi i tyre është zbehur përballë konkurrencës.

David pritet të ketë oferta nga Liga Premier, por edhe Juventus dhe AC Milan kanë qenë në kontakt me agjentin e tij.

David i ka thënë The Athletic se megjithatë ai është një tifoz i Barcelonës, gjë që do të rrisë shanset e tyre për ta nënshkruar me të.

“[Barca] ka qenë gjithmonë skuadra që kam mbështetur duke u rritur. Kur rritesh duke përkrahur një skuadër, është një ëndërr të luash për ta”, deklaroi ai.

Lexo po ashtu Barcelona ka gjetur zëvendësuesin ideal për Lewandowskin

Barcelona ka qenë e lidhur me Davidin në javët e fundit, me drejtorin sportiv Deco që shpreson ta sjellë për të lehtësuar ngarkesën mbi Robert Lewandowskin. /Telegrafi/