“Barcelona është kthyer në ballë të botës”- Joan Laporta u përgjigjet kritikëve

Të shtunën, Barcelona mbajti Asamblenë e Përgjithshme për muajin dhjetor. Gjatë saj foli edhe presidenti Joan Laporta dhe siç bën ai zakonisht, e bëri me shumë pasion. 

Një temë të cilën Laporta e diskutoi ishte marrëveshja e re e sponsorizimit e Barcelonës me Nike, që është njëra prej marrëveshjeve më luksoze në botën e futbollit. 

“Ne ndihemi të fortë dhe të bindur dhe të vendosur për të kompletuar rikuperimin e klubit. Kjo marrëveshje na ndihmon shumë në rikuperimin ekonomik. Është një përmirësim ekonomik pa pasur nevojë që anëtarët të zbrazin xhepat e tyre”. 

“Jam i kënaqur sepse është kontrata më e mirë në histori të futbollit. Ka qenë një proces i gjatë me momente të komplikuara”, ka thënë Laporta. 

Lexo po ashtu Chelsea dhe Newcastle synojnë transferimin e yllit të Barcelonës në janar

“Ka pasur momente kur konflikti arriti maksimumin, por të dyja palët vendosën që një ndërmjetës të ndihmonte në zgjidhjen e këtyre situatave. Ne kemi rindërtuar një marrëdhënie që ishte shkatërruar”. 

Laporta gjithashtu iu përgjigj edhe kritikëve me të cilët ai dhe Barcelona janë përballur gjatë kohëve të fundit. 

“Barcelona është kthyer në ballë të botës dhe ne do ta bëjmë duke konsoliduar një pozicion si lider. Ne kemi qenë të fortë në fytyrë të atyre që deshën të na diskreditojnë ose të na zhgënjejnë”, përfundoi ai./Telegrafi/