Barcelona e gjen zëvendësuesin e Luis Suarezit, përgatitë ofertë për Maxi Gomez

Luis Suarez pritet të jetë ndër lojtarët e parë që do të largohet këtë afat kalimtar veror nga Barcelona.

Sulmuesi uruguaian nuk bënë pjesë në planet e klubit për të ardhmen dhe i është kërkuar largimi.

Ka qenë trajneri i ri i Barcelonës, Ronald Koeman që e ka telefonuar atë duke i bërë të qartë se nuk llogarit në shërbimet e tij.

Por duket se një bashkëkombës i Suarezit do ta zëvendësojë atë në Camp Nou me fanellën e Barcelonës.

Trajneri Ronald Koeman e pëlqen jashtëzakonisht shumë sulmuesin e Valencias, Maxi Gomez.

‘Tulipani’ ka kërkuar nga drejtuesit e klubit transferimin e Gomez në Camp Nou, pasi e sheh si sulmuesin kryesor për edicionin e ri.

24-vjeçari ka shënuar 10 gola dhe ka asistuar në katër të tjerë në edicionin e fundit me Valencian.

Kjo ka bërë që katalunasit të tentojnë transferimin e tij, teksa vlera e Gomez sillet rreth 40 milionë euro.

Vet lojtari më parë është pyetur për një transferim të mundshëm te Barcelona, teksa ka theksuar se nuk mund t’i thuhet jo një klubi të madh si ai katalunas. /Telegrafi/