Barcelona dhe PSG mbesin duarthatë, Bernardo Silva rinovon kontratën me Man Cityn

Bernardo Silva ka nënshkruar kontratë të re me Manchester Cityn, që do ta mbajë të lidhur me klubin deri në verën e vitit 2026.

Mesfushori portugez iu bashkua Man Cityt në verën e vitit 2017 dhe ka dhënë një kontribut të madh në suksesin e klubit, ku sezonin e shkuar fituan tripletën.

Lojtari që kishte kontratë deri në vitin 2025, ka folur për zgjatjen njëvjeçare te kontratës me klubin nga Etihad.

2️⃣0️⃣2️⃣6️⃣ 🙌

— Manchester City (@ManCity) August 23, 2023

“Kam kaluar gjashtë vite të pabesueshme në Manchester City dhe jam i kënaqur që do të zgjas kohën time këtu”.

Lexo po ashtu Barca bën ofertë të përbashkët për Bernardo Silva dhe Joao Cancelo

“Fitimi i tripletës sezonin e kaluar ishte jashtëzakonisht i veçantë dhe është emocionuese të jesh pjesë e një skuadre ku ka një uri dhe pasion të tillë”.

“Suksesi ju bën të dëshironi edhe më shumë, dhe ky klub më jep këtë mundësi për të vazhduar të fitoj”.

Lexo po ashtu Pesë opsionet e Barcelonës për ta zëvendësuar Dembelen

“Unë e dua menaxherin, shokët e mi të skuadrës dhe tifozët dhe shpresoj se mund të ndajmë edhe më shumë kujtime të mrekullueshme në vitet e ardhshme”, ka thënë Silva pasi vazhdoi kontratën.

𝘙𝘶𝘯𝘯𝘪𝘯𝘨 𝘥𝘰𝘸𝘯 𝘵𝘩𝘦 𝘸𝘪𝘯𝘨 for another 3️⃣ years! 😍 pic.twitter.com/YNrBUvhgGh

— Manchester City (@ManCity) August 23, 2023

Mesfushori portugez la 308 paraqitje dhe 55 gola me Man Cityn, ku ka fituar pesë tituj të Ligës Premier, dy Kupa FA, katër Kupa të Ligës, dy Community Shields dhe Ligën e Kampionëve. /Telegrafi/