Barazon sërish Unitedi, Aston Villa i merr një pikë në ‘Old Trafford’

Manchester United nuk ka arritur të marrë më shumë se një pikë në barazimin 2-2 ndaj Aston Villës në kuadër të javës së 14-të në Ligën Premier.

Të parët ishin mysafirët që kaluan në epërsi me anë të Jack Grealish që shënoi në minutën e 11-të me asistimin që i bëri Anwar El-Ghazi.

Por, Djajtë e Kuq arritën që t’i barazonin shifrat në 1-1 fal auto-golit të shënuar nga Tom Heaton (42’).

Pjesa e parë përfundoi me këto dy gola të shënuara, derisa në të dytën kishim edhe dy të tjerë.

Unitedi arriti që në fillim të 45 minutësisht të dytë ta përmbyste rezultatin me golin e realizuar nga Victor Lindelof që shënoi në minutën e 64-të nga një asistim i Fred.

Por, dy minuta më vonë, Villa i barazoi shifrat në 2-2 me anë të Tyron Mings (66’), që u shërbye mjaftë mirë nga Matt Targett.

Skuadra e Ole Gunnar Solskjaer tentoi deri në fund që t’i merrte tri pikë, mirëpo kundërshtari nuk lejoi hapësira në fazën defanzive.

Pas javës së 14-të, Manchester United gjendet në vendin e nëntë me 18 pikë, ndërsa në xhiron e 15-të do të ketë punë me Tottenhamin e ish-trajnerit të tyre, Jose Mourinhos. /Telegrafi/

https://streamable.com/o5a1a

https://streamable.com/o5a1a

https://streamable.com/c0uil

https://streamable.com/c0uil