Baleti Kombëtar i Kosovës do ta nisë transmetimin online të shfaqjeve, shkaku i masave mbrojtëse ndaj koronavirusit, që pritet të vazhdojnë deri në afat të pacaktuar.

Përmes një njoftimi për media, është bërë e ditur se nga java e ardhshme do të fillojë transmetimin online të shfaqjeve.

Sipas një njoftimi, shfaqjet do të jepen çdo enjte në orën 19:00, duke filluar nga premiera e fundit dhe në vazhdim me premierat paraprake.

Shfaqja “Pushimi i Kalorësve” do të transmetohet më 16 prill, në orën 19:00.

“Shpresojmë që kjo gjendje do të përfundojë sa më shpejtë që të kthehemi në normalitet dhe të performojmë para publikut tonë të dashur!”, thuhet në njoftim.

Cult+ Cult