Aeroplani i ri strategjik bombardues i ushtrisë amerikane B-21 Raider, mund t’i shkaktoj probleme tejet të mëdha sistemeve të mbrojtjes kundërajrore të Rusisë, shkruan National Interest.

Sipas autorit të artikullit Chris Osborne, shumë karakteristika të këtij aeroplani ndoshta kurrë nuk do të mund t’i hiqet mbishkrimi “sekret”, transmeton Telegrafi.

Megjithatë një zyrtar amerikan i forcave ajrore ka deklaruar para këtij gazetari, se bombarduesi më i ri i padukshëm për radarët do të paraqes rrezik për këdo që e fut në cak, kudo qoftë në botë, pavarësisht nëse është ditë apo natë, mot me shi apo me diell.

Fuqitë tjera me prodhimin e këtij aeroplanit do të duhej të mendonin tani që të zbulojnë radarë më efikas që ndoshta në një moment do të mund ta detektonin këtë fluturake – por marrë parasysh teknologjinë e përdorur në të, zor se do t’ia arrijnë qëllimit.

Me zhvillimin e B-21 Raider që u realizua në objektet e Northrop Grumman, futja në përdorim i këtij aeroplani parashihet të ndodh në vitin 2025.

Nga jashtë ngjanë me B-2, e të dy projektet janë bazuar në konceptin e aeroplanit të padukshëm nga radarët që fluturon me shpejtësi të zërit dhe që bart sasi të jashtëzakonshme të raketave dhe bombave.

Një prej detyrave kryesore të këtij bombarduesi, përveç kryerjes së sulmeve ajrore, lokacioni i fshehtë kur bën lansimin e raketave apo bën hedhjen e bombave dhe shkatërrimin e objekteve të armikut. /Telegrafi/