Këngëtarja shqiptare me renome botërore, Ava Max, shquhet për stilin e saj të veçantë në paraqitje.
Së fundmi, artistja publikoi në rrjetin social Instagram disa fotografi të reja, ku u shfaq duke pozuar nën ngjyrat kombëtare, bardhë e zi.
Ajo është kthyer nga një bionde e theksuar në një vajzë me flokë të zeza, teksa për veshje të ditës kishte zgjedhur një kostum të kuq, kombinuar me një bluzë të zezë.
Kjo paraqitje e saj që për koiçidencë asiston edhe me ngjyrat e flamurit të shtetit prej nga ka prejardhjen, është pëlqyer dhe komentuar në masë të madhe nga fansat e saj.
Këngëtarja me prejardhje nga Qeparoi i Sarandës, e ka theksuar gjithmonë me krenari origjinën e saj shqiptare.
Ajo në një intervistë ekskluzive për Telegrafin këtë fillim-vit, u shpreh se dëshiron me patjetër që ta vizitojë vendin e saj për herë të parë.
“Po, po dhe po! Ndjehem sikur e kam thënë tani për vite me radhë dhe i kam thënë vetës hajde pra, është koha të shkoj atje! Kështu që po – premtoj se do të vij në Shqipëri. Prejardhja ime është shumë e rëndësishme për mua dhe atë se kush jam tani. Prindërit e mi u zhvendosën këtu nga Shqipëria dhe ma kanë ngulitur këtë krenari të pabesueshme për vendin tonë. Mezi pres të vij”, është shprehur 26 vjeçarja. /Telegrafi/
Foto: Ava Max/Instagram
Foto: Ava Max/Instagram
Foto: Ava Max/Instagram
