Assad pretendon se raketat amerikane nuk i kanë shkaktuar dëme, imazhet satelitore dëshmojnë të kundërtën (Foto/Video)

Imazhet e reja satelitore tregojnë se si sulmet ajrore të SHBA-ve, Britanisë dhe Francës kanë shkatërruar qendrat kërkimore ku zhvilloheshin dhe prodhoheshin armët kimike – duke mos pësuar as edhe më të voglin dëmtim objektet tjera që ishin të ndërtuara përreth saj, që raportohet të jenë të civilëve.

Këto imazhe tregojnë precizitetin e 76 raketave, amerikane, britanike dhe franceze që goditën qendrën kërkimore Barzah në veri të qytetit Damask, transmeton Telegrafi.

Barzah ishte një nga tri qendrat kryesore ku zhvilloheshin armë kimike, dhe për këtë arsye ishin koordinuar sulmet ajrore kundër regjimit të Bashar al-Assadit, i cili javë më parë kishte mbytur 75 civilë më këto armë kimike.

Vetëm brenda dy minutave në total janë shkrepur 105 raketa, pasi presidenti amerikan Donald Trump u përkrah nga kryeministrja britanike Theresay May dhe presidenti francez Emmanuel Macron.

Forcat ajrore britanike kanë shkrepur nga aeroplanët luftarakë vetëm tetë raketa, derisa ata francezë 12. Ndërsa luftanija franceze ka shkrepur edhe tri raketa gjigante drejt Sirisë, kurse marina mbretërore britanike nuk ka gjuajtur as edhe një.

Por, është interesant se si autoritetet e Sirisë pretendojnë se nuk kanë pësuar dëme nga sulmet ajrore, edhe pse imazhet e reja satelitore dëshmojnë krejt të kundërtën. /Telegrafi/