Autogoli qesharak i portierit Ward mund t’i kushtojë Uellsit me mos kualifikim në Kupën e Botës

Portieri i Uellsit, Danny Ward, ka prodhuar njërin prej autogolave më qesharak në futboll në ndeshjen ndaj Republikës Çeke.

Uellsi e dinte se një fitore në ndeshjen kualifikuese për Kupën e Botës kundër Republikës Çeke në Pragë do t’u jepte atyre një shans të madh për të siguruar një vend në play-off.

Në anën tjetër një humbje do t’i jepte Republikës Çeke avantazhin në garën për vendin e dyta në grup pas Belgjikës që është lidere.

Uells kaloi në avantazh përmes Aaron Ramsey në minutën e 36, por dy minuta më pas rezultati u barazua nga Jakub Pesek.

Gabimi katastrofal i Ward më pas i dha avantazhin çekëve për 2-1 menjëherë me të filluar pjesa e dytë.

Ramsey e fitoi posedimin e topit dhe ia ktheu portierit Ward, ku pasimi i mesfushorit të Juventus ishte i lehtë dhe portieri i Leicester Cityt duhet të kishte kontrolluar.

Sidoqoftë, ai bëri një gabim dhe e kontrolloi gabimisht topin, i cili u rrokullis drejt portës së tij.

Ward e goditi topin para se të kalonte vijën, por goditi shtyllën dhe e futi në rrjetë.

Ky është një gabim i madh në një ndeshje kaq të rëndësishme dhe portieri Ward duhet ta ketë përjetuar shumë keq.

Për fat të mirë të tij, Uells e barazoi rezultatin me Daniel James.

Dy skuadrat janë të barabarta në grup me nga 8 pikë. Uellsi ka një avantazh të vogël, pasi ka një ndeshje më shumë për të zhvilluar. /Telegrafi/