Arteta i vendosur për të transferuar sulmuesin që nuk po përdoret nga Ancelotti te Real Madridi

Arsenali thuhet se do të kërkojë të nënshkruajë me sensacionin brazilian, Endrick në një marrëveshje me vlerë rreth 60 milionë euro në afatin kalimtar të verës.

Sipas raportimit nga mediumi spanjoll Fichajes, 18-vjeçari është subjekt i interesimit nga Gunners.

Topçinjtë po kërkojnë një sulmues për afatin kalimtar të verës. Kështu, talenti i Real Madridit është shfaqur si një objektiv, me skuadrën nga Londra e Veriut gati për të paguar rreth 60 milionë euro për të nënshkruar me sensacionin.

Endrick i është dashur të kalojë kohën e tij në bankinë që kur u bashkua me Real Madridin nga Palmeiras verën e kaluar, duke mos plotësuar as 500 minuta lojë në 23 paraqitje në të gjitha garat.

Kjo nuk ka ndikuar në performancën e të riut, pasi ai ka shënuar pesë gola dhe një asistim.

Lexo po ashtu Perez kërkon ndryshim të menjëhershëm nga Ancelotti në formacion - dëshiron rikthimin e dy lojtarëve në ekipin bazë

Ndërkohë, mungesa e kohës së lojës së sulmuesit ndërkombëtar brazilian ka tërhequr vëmendjen e disa klubeve të profilit të lartë në të gjithë Evropën. West Ham United u përpoq të nënshkruante me të në afatin kalimtar të dimrit përpara se marrëveshja të dështonte.

Arsenali do të synojë të mposhtë konkurrencën me nënshkrimin e tij në verë, por Los Blancos mund ta lejojnë largimin e tij vetëm si i huazuar. /Telegrafi/