Arsenali dhe politika e keqe e transferimeve – i bleu për rreth 200 milionë euro, i largoi falas

Një statistikë mahnitëse ka treguar se deri në këtë verë, Arsenali do të lejojë lojtarë me vlerë 190 milionë funte të largohen falas nga klubi.

Sot (e mërkurë) u zbuluar se klubi londinez anuloi kontratën e mbrojtësit grek Sokratis, i cili u bashkua me ta për një tarifë prej rreth 17 milionë funtesh.

Ai e gjeti veten jashtë planeve të trajnerit Mikel Arteta këtë sezon dhe nuk u përfshi në skuadrën e tyre prej 25 lojtarëve për ndeshjet e Ligës Premier.

Lexo po ashtu Zyrtare: Arsenali shkëputi kontratën me Sokratis

Charles Watts tani ka renditur një numër lojtarësh që Arsenali i ka lënë të largohen – pavarësisht se ka shpenzuar shuma të mëdha parash për ta.

Emri më i madh që është larguar së fundmi nga klubi është Mesut Ozil. Ylli turk u nënshkrua nga Real Madridi për rreth 40 milionë funte në vitin 2013 dhe arriti me një reputacion të madh.

I parë si shumë i vlefshëm për ekipin, ai nënshkroi një kontratë prej 350 mijë funtesh në javë në janar të 2018. Por, ai gjithashtu e gjeti veten jashtë skuadrës së Artetas dhe u bashkua me ekipin turk Fenerbahce javën e fundit.

Një sulmues tjetër në të njëjtën mënyrë ishte Alexis Sanchez, i cili mbërriti nga Barcelona për 31.7 milionë funte në vitin 2014.

Sanchez u vendos si lojtari më i mirë i Arsenalit gjatë qëndrimit të tij katër-vjeçar, por do të largohej për rivalët e hidhur të Manchester Unitedit në një marrëveshje shkëmbimi për Henrikh Mkhitaran.

Mkhitaran do të transferohej te Roma në një transferim falas në vitin 2020.

Santi Cazorla u shkatërrua nga dëmtimet gjatë viteve të tij të fundit në Londrën e Veriut, por gjithashtu u largua si transferim falas në Villarreal.

Diku tjetër në mesfushë, dyshja Jack Wilshere dhe Aaron Ramsey u bashkuan falas me West Ham United, respektivisht Juventusin.

E njëjta ndodhi edhe me sulmuesin anglez, Danny Welbeck, i cili kushtoi 16 milionë funte dhe u transferua falas te Watfordi.

Shqiptari Shkodran Mustafi aktualisht është ende në klub, por nuk besohet të jetë i interesuar të rinovojë kontratën e tij.

Fituesi i Kupës së Botës me Gjermaninë u bashkua nga Valencia në vitin 2016 për një tarifë mbi 35 milionë funte.

Arsenali aktualisht është i 10-ti në kampionat dhe kthehet në aksion në FA Cup kundër Southampton të shtunën. /Telegrafi/