Arsenali del me reagim zyrtar rreth deklaratës së Mikel Artetas për ndeshjen me Newcastlen

Arsenali ka dalë me reagim në lidhje me gabimin që bëri VAR-i në ndeshje ndaj Newclaste United.

Mikel Arteta kishte shprehur mllefin e tij pas ndeshjes, duke thënë se Liga Premier nuk meriton incidente të tilla, ndërsa klubi londinez e ka mbështetur deklaratën e tij.

“Klubi i Futbollit Arsenal mbështet me gjithë zemër komentet e Mikel Artetas pas ndeshjes, pas gabimeve akoma më të papranueshme të arbitrave dhe VAR-it të shtunën në mbrëmje”, thuhet fillimisht në deklaratën e tyre.

Lexo po ashtu Arteta i nervozuar pas humbjes nga Newcastle: I turpëruar për atë që ndodhi në këtë ndeshje

“Ne gjithashtu do të donim të pranonim përpjekjen dhe performancën e madhe nga lojtarët tanë dhe mbështetësit udhëtues në St James’ Park.

“Liga Premier është liga më e mirë në botë me lojtarët, trajnerët dhe mbështetësit më të mirë, të cilët të gjithë meritojnë më mirë. PGMOL duhet urgjentisht të adresojë standardin e referimit dhe të përqendrohet në veprimin që na shtyn të gjithëve nga analiza retrospektive, shpjegimet e tentuara dhe faljet”.

“Ne mbështesim përpjekjet e vazhdueshme të Shefit të Arbitrave, Howard Webb dhe do të mirëpresim të punojmë së bashku për të arritur standardet e gjyqtarëve të klasit botëror që kërkon liga jonë”, përfundon reagimi i tyre. /Telegrafi/

Club statement

— Arsenal (@Arsenal) November 5, 2023