(E plotësuar) Kryeministri i Kosovës, Ramush Haradinaj po mban një takim prapa dyerve të mbyllura me kryeministrin e Malit të Zi, Dushko Markoviq.
Sipas agjendës, pas takimit dy kryeministrat do t'iu drejtohen gazetarëve në një konferencë shtpi.
Kryeministri i Malit të Zi, Dushko Markoviq ka nisur vizitën dy ditore në Kosovë.
Kjo vizitë, ishte paralajmëruar të realizohej javën e kaluar, por ishte shtyrë për shkak të kushteve atmosferike. /Telegrafi/
Arrin në Prishtinë kryeministri malazez Markoviq, pritet me nderime shtetërore (Foto)
Kryeministri i Malit të Zi, Dushko Markoviq ka arritur në Prishtinë. Markoviq është pritur me nderime shtetërore në sheshin “Skënderbeu”.
Atë e ka pritur kryeministri i Kosovës, Ramush Haradinaj.
Pas takimit të dy kryeministrat do të mbajnë një konferencë për media. /Telegrafi/
