LAJMI I FUNDIT:

Arrestohet i dyshuari për tentim vrasjen në Deçani, i njëjti ndodhej në arrati

Arrestohet i dyshuari për tentim vrasjen në Deçani, i njëjti ndodhej në arrati

Policia e Kosovës ka njoftuar se ka arritur të arrestoj të dyshuarin, lidhur me vrasjen në tentativë që ndodhi të dielën në Deçan.

“Policia është venë në kërkim të të dyshuarit, me datë 09.09.2024, pas një pune intensive stacioni policor në Deçan ka arrit ta identifikoji vendndodhjen e tij dhe ta arrestoj të dyshuarin”, thuhet në njoftim.

Policia ka njoftuar se viktima ishte therur me thikë në një market në qytetin e Deçanit dhe i dyshuari ishte larguar në drejtim të panjohur.


“Ju njoftojmë se me datë 08.09.2024 rreth orës 22:35,  Stacioni Policor në Deçan, është njoftuar së në rrugën “Luan Haradinaj” në Deçan, në një market dyshohet së një person është therur me mjetë të mprehtë thikë, më pas i dyshuari ishte larguar në drejtim të pa njohur. Viktima është dërguar me autoambulancë për në Spitalin Rajonal, e me vonë me udhëzim të mjekut  kujdestarë është dërguar për në QKUK  në Prishtinë”, thuhet tutje në njoftim.

Në vendin e ngjarjes kanë dalë të gjitha njësitet kompetente policore për të kryer shqimin e vendit të ngjarjes. /Telegrafi/