Ariana Grande ‘e dërrmuar’ pas vdekjes së ish-të dashurit, dëgjon vazhdimisht këngët e tij

Këngëtarja Ariana Grande ishte gjithashtu një ndër emrat e përfolur pas vdekjes në moshë të hershme të reperit Mac Miller.

26-vjeçari ka qenë i dashuri i këngëtares përreth dy vite, deri sa më pas u ndanë dhe zgjodhën secili rrugët e veta.

Nuk ishte i menjëhershëm reagimi i këngëtares pas vdekjes së ish-të dashurit, megjithatë ditë më pas, ajo publikoi një fotografi të tijën pa asnjë përshkrim.

Mesazhi ishte i qartë, “e mbetur pa fjalë” pas asaj se çfarë ka ndodhur.

Lexo po ashtu Ariana Grande kujton në mënyrë emocionale Mac Millerin

Ndërsa së fundmi, Ariana publikoi edhe një video prekëse, me një përmbledhje të momenteve më të këndshme që çifti i dikurshëm kaluan së bashku.

https://www.instagram.com/p/Bnt_GTOF9kb

“Të kam adhuruar nga dita që të takova kur isha 19 vjeçare dhe gjithmonë do të të adhuroj. Nuk mund të besoj se nuk je më këtu. Nuk mund të pajtohem me këtë, ne kemi biseduar shumë herë. Shumë herë. Jam tepër e pikëlluar, jam tepër e dëshpëruar, nuk e di çka të bëj, sepse ishte shoku im më i dashur për aq shumë kohë. Mbi të gjitha gjëra tjera. Më vjen keq që nuk kam arritur që të të shëroj dhe të largoj dhimbjen. Vërtet kam dashur ta bëj këtë. Shpirti më i ëmbël dhe i dashur që nuk e merituan djajtë. Shpresoj se je mirë tani. Pusho”, kishte shkruar këngëtarja Grande në mbishkrimin e kësaj videoje.

E njëjta më pas ka hedhur në InstaStory disa vide tjera, ku ka treguar se është duke dëgjuar këngët e të ndjerit Mac Miller.

“Ladders” dhe “Dunno” janë dy këngët të cilat Ariana po dëgjon tani pas vdekjes së ish-të dashurit, këngë këto të cilat ishin pjesë e albumit të tij “Swiming”.

Me këtë ajo ka bërë të ditur se gjendja e saj vazhdon të jetë e dërrmuar, duke dëgjuar këngët e Miller, vetëm e vetëm për tu ngushëlluar dhe gjetur pak kënaqësi. /Telegrafi/