Arbër Zeneli edhe zyrtarisht është kthyer në skuadrën A të Reims dhe është i gatshëm për ndeshjen me Monacon.
Pas një lëndimi që e mbajti gjatë jashtë fushave, sulmuesi anësori do të jetë gati për ndeshjen e vikendit.
Zeneli është grumbulluar me skuadrën A për ndeshjen që Reims e luan kundër Monacos në kuadër të Ligue 1.
Lojtari i Përfaqësueses së Kosovës ka luajtur edhe gjatë javës së kaluar, por me skuadrën e dytë të Reims.
Mbetet të shihet nëse Arbër Zeneli do të ketë minuta në ndeshjen kundër Monacos, që është mjaftë e rëndësishme.
Rikthimi i Arbërit është i rëndësishëm edhe për Kosovën, para ndeshjes me Maqedoninë Veriore, që zhvillohet në mars.
Zeneli lëndimin e kishte pësuar në ndeshjen që Kosova luante kundër Malit të Zi në vitin e shkuar. /Telegrafi/
