Apple me një tjetër prezantim madhor në WDCC: Mac Pro dhe Mac Studio me çipin M2 Ultra

U deshën tre vjet, por Apple më në fund ka përfunduar kalimin e linjës së saj kompjuterike vendase me silikon.

Kompania ka prezantuar një Mac Pro që përdor një sistem të ri me çipin M2 Ultra të integruar brenda saj.

Ndërsa stacioni i punës ndan të njëjtën pamje si “grirëse djathi” njëjtë sikurse paraardhësi i tij me bazë Intel, çipi me 24 bërthama CPU dhe 76 bërthama GPU thuhet se është deri në tre herë më i shpejtë, përcjell Telegrafi.

Fatkeqësisht, nuk mund ta përmirësoni vetë RAM-in, por shtatë hapësira PCIe dhe tetë porte Thunderbolt 4 premtojnë zgjerimin që kërkojnë përdoruesit e punëve “të rënda”.

Mac Studio, ndërkohë, është një rifreskim i drejtpërdrejtë i makinës kompakte pro të vitit të kaluar. Vjen në konfigurime M2 Max dhe M2 Ultra me një portë HDMI me gjerësi më të lartë brezi që sjellë mbështetje për rezolucion deri në nivelin 8K dhe shpejtësi rifreskimi prej 240Hz.

Të dy sistemet do të lansohen zyrtarisht me 13 qershor. Mac Studio e përmirësuar ka një çmim fillestar prej 1,999 dollarëve, ndërsa Mac Pro vije me çmim prej 6,599 dollarëve. /Telegrafi/