Anglezja gjen një shënim në veturë – fqinjëve nuk u pëlqen mënyra se si ajo e parkon veturën e saj

Një grua angleze ka mbetur e habitur pasi kishte gjetur një shënim në veturën e saj të vendosur nga fqinjët e pakënaqur të cilët janë zemëruar me të pasi ajo e parkon veturën e saj në një rrugë pranë shtëpisë.

Lauren Ball nuk mund të parkojë drejtpërdrejt jashtë shtëpisë së saj në Denton, afër Mançesterit, për shkak të vijave të dyfishta të verdha përgjatë rrugës.

Si rezultat, ajo duhet të lërë makinën e saj në Becker Close aty pranë kur të kthehet në shtëpi.

Por të enjten, zonja Ball hasi në një shënim agresiv të lënë në xhamin e saj të përparmë nga një banor tjetër që i thoshte se duhej të shkonte diku tjetër, shkruan Metro.uk, transmeton Telegrafi.

Në shënim shkruhej: “Jemi ngopur duke menduar se mund të parkosh ku të duash! Ju nuk jetoni fare në Becker Close. Ju jetoni në pjesën e përparme. Ju duhet të përdorni parkingun tuaj. Ju përdorni hapësirën e parkimit të njerëzve të tjerë kur ata kanë nevojë për të”.

Zonja Ball tha: “Unë jetoj në një rrugë kryesore me shirita të dyfishtë me ngjyrë të verdhë, kështu që fatkeqësisht opsioni im i vetëm është të parkoj në rrugë anësore. Ajo që është zhgënjyese është se unë jam gjithmonë vërtet e vëmendshme ndaj njerëzve të tjerë”.

“Kam gjetur rrugën më të qetë rreth meje, nuk parkoj në hapësirën e askujt, para shtëpisë së askujt apo në rrugën e askujt, paguaj edhe taksat”, vazhdoi ajo.

Ajo u zhgënjye edhe nga fqinji i cili i la shënimin për shkak se nuk i foli ballë për ballë për problemet e parkimit në atë zonë. /Telegrafi/