Angelina Jolie refuzon të flasë për divorcin me Brad Pitt në intervistën e parë pas shumë kohësh

Angelina Jolie ka refuzuar me mirësjellje të përgjigjet në një pyetje mbi divorcin e saj me aktorin Brad Pitt në një intervistë të re me The Hollywood Reporter.

Duke folur me gazetaren Rebecca Keegan në shtëpinë e saj në Los Feliz prej 25 milionë dollarësh (22.6 milionë euro), fituesja e çmimit “Oscar”, 49 vjeçe, vendosi ‘kufij të fortë’ mbi disa tema, duke përfshirë ndarjen e saj nga Pitt dhe aksidentin e fundit pothuajse fatal me biçikletë të birit të tyre 20 vjeçar Pax, shkruan DailyMail.

Ylli i filmit “Maleficent” shpjegoi për gazetën se vite më parë në Hollywood “mund të kishe këtë proces privat të rrëmujshëm dhe puna fliste vetë”. “Tani, marrëdhënia e publikut është ndryshe. Po përpiqem të mësohem me atë që duhet ta ndaj me njerëzit”, pranoi ajo pasi kishte bërë një pushim të gjatë nga industria e filmit.

Kur Keegan e pyeti nëse është në rregull të pyesë për statusin e divorcit të saj, aktorja iu përgjigj: “Jo”.

Jolie më pas hapi fjalën për nevojën për të qëndruar në Kaliforni deri sa të gjashtë fëmijët e saj dhe të Pitt të mbushin 18 vjeç. Çifti i mëparshëm kanë fëmijët: Maddox, 22 vjeçe, Pax, 20, Zahara, 19, Shiloh, 18 dhe binjakët Knox dhe Vivienne, 16 vjeç.

“Unë u rrita në këtë qytet [Los Angeles]. Jam këtu sepse më duhet të jem këtu për shkak të divorcit, por sapo të jenë 18, do të jem në gjendje të largohem”, i tha ajo THR.

Nëse ka ndonjë rregull të veçantë për të shkruar, Jolie tha se zakonisht shkruan “kur të gjithë janë në gjumë” që të mund të përqendrohet.

Edhe pse ka tendencë të mbajë jetën e saj personale jashtë vëmendjes, Jolie tha se “një nga gjërat më të këndshme – ndoshta e vetmja gjë e mirë – për të qenë një person publik” është lidhja me “njerëzit e tjerë”.

Jolie dhe Pitt kanë qenë duke zgjidhur detajet e divorcit të tyre për tetë vitet e fundit. Të premten, një burim afër Pitt tha se është ‘mjaft tronditëse’ që çifti ende ‘nuk mund të gjejë një zgjidhje dhe të finalizojë divorcin’.

‘Një arsye kryesore për pakënaqësinë e tyre para se Angelina të kërkonte divorcin ishin përplasjet e tyre të shpeshta mbi edukimin e fëmijëve të tyre’, pretendoi burimi.

Në fund, qasja prindërore e Jolie ‘fiton’ dhe ‘fëmijët janë të lirë në shpirt, super të zgjuar dhe artistikë’.

‘Brad është shumë krenar për ta’, bëri të qartë burimi pranë aktorit. /Telegrafi/