Android One, linjë e ngjashme me Nexus për telefonat e lirë

Pjesa më e mirë e tregut mobil janë telefonat e lirë, të cilët mund të blihen nën koston prej 100 dollarëve. Nëse ende nuk jeni bindur për këtë, atëherë duhet ta dini se në konferencën vjetore të Google, I / O, zhvilluesit u prezantua Android One, një program i kushtuar prodhuesve që bëjnë telefona të lirë, edhe pse në këto modele mund ti kenë specifikat e avancuara të Android.

Madje, disa nga prodhuesit tashmë kanë filluar të krijojnë modele të telefonave të cilët do ti bazojnë në versionin e ri dhe bazik të Android, i cili do t’ua mundësojë atyre ofrimin e telefonave me kosto tejet të lirë, madje edhe nën 100 dollarë.

Prodhuesi Micromax tashmë ka një pajisje të gatshme të cilën do ta lansojë për shitje me pakicë, dhe e cila do të kushtojë më pak se 100 $.

Përveç ekranit me diagonalen prej 4.5-inç, modeli i ri i telefonit të icromax do të ofrojë edhe disa karakteristika tjera të mira të tilla si mbështetjen për dual-SIM dhe FM radio.

Kjo pajisje – dhe pajisjet e ardhshme të bazuara në Android One – do të konkurrojnë direkt me modelet e lira të telefonave sikurse Moto G të Motorola apo edhe me Moto E, si dhe versionet e lira të telefonave të Microsoft.

Modelet e para të Android One do të lansohen këtë vjeshtë, duke filluar në Indi, një pikë e nxehtë e tregut global për telefonat e rinj dhe të lirë në Android. /Telegrafi/