Andreas Pereira zgjedh tre klube të mëdha që ai do të dëshironte të luante

Andreas Pereira i Manchester Unitedit ka deklaruar se do të dëshironte të luante për një klub tjetër të madh në karrierën e tij duke emëruar Real Madridin, Barcelonën dhe Bayern Munichun si destinacione të mundshme.

Pereira është paraqitur në 37 ndeshje për Djajtë e Kuq këtë sezon pasi kaloi shumë sezone në huazim te klube të ndryshme.

24-vjeçari u pyet kohëve të fundit për të ardhmen e tij nga kanali televiziv brazilian Globo Esporto dhe ai shpjegoi se në të ardhmen dëshiron të luaj në disa skuadra të mëdha.

“Tani për tani, unë vetëm ëndërroj të luaj këtu. Por, sigurisht, si lojtar, gjithmonë do të dëshironit të luani për një klub tjetër të madh”, ka thënë fillimisht Pereira.

“Mua me të vërtetë më pëlqen Barcelona dhe Real Madridi, ato janë skuadrat më të mira. Edhe Bayern Munichu”, përfundoi mesfushori.

Lexo po ashtu Solskjaer planifikon pesë shitje të mëdha në verë

Komentet e Pereiras ka të ngjarë të shokojnë tifozët e Unitedit që nuk e kanë parë më të mirën e lojtarit këtë sezon.

Mesfushori nuk ka bërë përshtypje të mirë këtë sezon, me lojtarët e tjerë si Fred dhe Scott McTominay që e kanë kapërcyer atë në hierarkinë e titullarëve.

Edhe ardhja e Bruno Fernandesit në afatin e janarit ka parë gjithashtu ulje të kohës së lojës për Pereiran. /Telegrafi/