Ancelotti komenton për herë të parë përballjen me Man Cityn – shfaq frikë

Trajneri i Real Madridit, Carlo Ancelotti, pranon se përballja me Manchester Cityt në play-off të Ligës së Kampionëve nuk është ideale.

Vetëm pak minuta para paraqitjes së tij mediatike për ndeshjen e tyre në La Liga me Espanyol, u konfirmua se Real kishte për kundërshtar Cityn.

“Në një botë të përsosur, ne nuk do të luanim me ta, por dështuam dhe nuk mundëm të futeshim në Top-8”, ka thënë fillimisht italiani.

“Ata do të jenë argëtues, mund të them. Dhe ne kemi burimet për t’i kapërcyer”.

Lexo po ashtu Fillojnë teoritë konspirative të Real Madrid TV për shortin që i vuri përballë Man Cityt në Ligën e Kampionëve

“Nuk ka kohë për përgatitje, është rikuperim, video dhe lojë për 40 ditët e ardhshme. Puna jonë është ta kemi ekipin gati dhe të përgatitur”.

“Duhet të mendojmë për ndeshjet që duhet të luajmë, të cilat janë të shumta. Nga sot deri në pushimin e marsit… kemi 13 ndeshje, që është shumë. Çdo ndeshje është jetike nga sot sepse kemi shumë në lojë”.

“Pres një ndeshje të vështirë dhe të komplikuar si gjithmonë, është një moment i rëndësishëm në La Liga për të gjitha skuadrat”.

“Pikat në lojë kanë filluar të jenë më të rëndësishme se të parat, ne kemi një avantazh dhe duam të vazhdojmë kështu”, ka shtuar më tej Ancelotti. /Telegrafi/