Zgjedhjet e jashtëzakonshme në Podujevë, mblidhet KQZ-ja
14:"Ridvan Slivova
07/02/2020
Pas emërimit të Agim Veliut në postin e ministrit të MPB-së, Komuna e Podujevës do të shkojë në zgjedhje të jashtëzakonshme.
Për këtë Komisioni Qendror i Zgjedhjeve, të shtunën do të mbajë mbledhje.
Zëdhënësi i KQZ-së, Valmir Elezi, ka deklaruar se do të merren vendime për shkurtimin e afateve kohore të aktiviteteve zgjedhore.
Po ashtu, KQZ-ja pritet të miratojë planin operacional ku janë të parapara të gjitha aktivitetet e këtij procesi zgjedhor.
“Sa i përket kohës se deri kur mund të paraqiten subjektet politike për të marrë pjesë në këto zgjedhje apo edhe sa do të jetë kohëzgjatja e fushatës zgjedhore, do ta dimë në këtë mbledhje”, ka thënë Elezi.
Zgjedhjet e jashtëzakonshme në Podujevë do mbahen më 15 mars./Telegrafi/