27/08/2021
Disa media kishin raportuar se Aeroportin e Kabulit e kanë marrë nën kontroll talebanët.
Pentagoni tha se raportet se talebanët kishin marrë kontrollin e aeroportit në Kabul ishin të rreme, raporton cnn.
"Ata nuk janë përgjegjës për asnjë nga portat. Ata nuk janë përgjegjës për asnjë nga operacionet e aeroportit. Kjo është ende nën kontrollin ushtarak amerikan", tha zëdhënësi i Pentagonit John Kirby.
Theksojmë se gjatë ditës së djeshme kanë shpërthyer dy bomba ndaras teksa kanë shkaktuar vdekjen e 12 marinsave dhe 100 afganëve.
Ndryshe, Recep Tayyip Erdogan ka deklaruar gjatë ditës së sotme se janë në komunikim me talebanët për të marrë nën kontroll aeroportin ndërkombëtar nga forcat turke. /Telegrafi/