Vrasje e rëndë e mbetur në tentativë ndaj ish- bashkëshortes, një muaj paraburgim ndaj të pandehurit
22/01/2026
Gjykata Themelore në Pejë – Departamenti për Krime të Rënda ka caktuar masën e paraburgimit në kohëzgjatje prej një muaji ndaj të pandehurit E.I., pas kërkesës së Prokurorisë Themelore në Pejë – Departamenti për Krime të Rënda.
Sipas një njoftimi për media bëhet e ditur se masa e paraburgimit është caktuar për shkak të dyshimit të bazuar se i pandehuri E.I. ka kryer veprën penale “Vrasje e rëndë e mbetur në tentativë”.
"Veprimi dyshohet se është kryer ndaj ish-bashkëshortes së tij, dhe paraburgimi është caktuar mbi bazën e kushteve ligjore të parapara me Kodin e Procedurës Penale".
Paraburgimi i është caktuar nga data 20.01.2026, ora 13:50, dhe do të zgjasë deri më 19.02.2026, ora 16:00. /Telegrafi/