Tre të plagosur me armë zjarri në Mitrovicë

Tre persona janë plagosur nga të shtënat me armë zjarri mbrëmë pas mesnate në Mitrovicë.

Sipas Policisë së Kosovës, rasti është raportuar të ketë ndodhur në orën 00:24 në Mitrovicë, kur një i dyshuar ka shtënë me armë zjarri ndaj tre personave.

“Është raportuar se tri viktimat meshkuj kosovar janë plagosur me armë zjarri dhe dyshohet se janë plagosur nga i dyshuari mashkull kosovar  i cili gjendet në arrati. Tri viktimat kanë pranuar tretman mjekësor dy prej tyre janë liruar kurse i treti mbetet për tretman të mëtejmë mjekësor në spitalin rajonal në Mitrovicë”, thuhet në njoftimin e Policisë, përcjell Telegrafi.

“Në vendin e ngjarjes kanë dalë njësitë relevante të policisë ku kanë gjete dhe sekuestruar katër gëzhoja  dhe dy predha të fishekëve të armës së zjarrit, kurse rasti vazhdon të hetohet. /Telegrafi/