Interi ka fituar rreth shtatë milionë euro nga tre ndeshjet e para të sezonit në ndeshjet e zhvilluara në shtëpi, në stadiumin Giuseppe Meazza.
Nerazzurrët kanë luajtur ndaj Torinos, Parmas dhe Tottenham Hotspur në shtëpi deri më tani këtë sezon.
Në këto dy ndeshjet e para të Serie A, të zhvilluara në shtëpi, Interi ka pasur një pjesëmarrje mesatare prej 57,529 mijë tifozëve.
Kundër Spurs në Ligën e Kampionëve të martën mbrëma në stadium ishin plot 64,123 tifozë dhe kjo u shpërblye me një fitore 2-1.
Sipas mediumit italian Gazzetta dello Sport, klubi zikaltër ka fituar rreth shtatë milionë euro nga të ardhurat në këto tri ndeshjet e para në shtëpi.
Rreth gjysma e këtij përfitimi erdhi nga përplasja e Ligës së Kampionëve, duke nënvizuar se pse Interi dëshiron të qëndrojë në San Siro me çdo kusht.
Milani mund të shikojë për të ndërtuar stadiumin e tyre, ndërsa Interi dëshiron të blejë Giuseppe Meazzan drejtpërdrejt nga këshilli i qytetit.
Ndeshja e radhës për Interin në shtëpi është ajo e datës 25 shtator ndaj Fiorentinës. /Telegrafi/