“Takimi i parë me Tottin dhe De Rossin, ishte si ëndërr” - Kastrati flet për kalimin në ekipin e parë të Romës
05/07/2025
Lirim Kastrati ka qenë i ftuari i radhës në podcastin që është prodhim i Telegrafit, “Arena e Yjeve”.
Lojtari shqiptar ka rrëfyer shumë prapaskena interesante, mes tyre edhe takimin me legjendat e Romës.
“Më dukej vetja si në ëndërr, pasi ishin lojtarë si Totti, De Rossi e të tjerë, Rudiger e Manolas. Ka pasur shumë emra të mëdhenj”, rrëfen Kastrati në “Arena e Yjeve”.
“Më ka ra me u stërvit shpesh me ta dhe pastaj më kanë përzgjedhur që të bëjë një lojë miqësore me ta”.
“Ndihesha shumë krenar, pasi nuk ishte e lehtë të arrija deri aty...”, rrëfen më tej Lirimi.
Këtë podcast mund ta ndiqni në TV Dukagjini çdo të shtune nga ora 17:10, ndërsa nuk do të ishte i mundur pa përkrahjen e sponsorit tonë Golden Eagle Energy Drink. /Telegrafi/