Shfaqja "Djali" sonte në Teatrin e Gjilanit - zbërthen dhimbjet e heshtura të familjeve moderne
28/05/2025
Teatri i Gjilanit sjell sonte në skenë shfaqjen “Djali”, një dramë që premton të prekë thellë emocionet e publikut.
Kjo vepër trajton dhimbjet e fshehura dhe të pathëna të familjeve moderne, duke eksploruar sfidat emocionale që qëndrojnë pas pamjes së jashtme të përditshmërisë.
“Djali” është shkruar nga autori i njohur Florian Zeller dhe vjen nën regjinë e Erson Zymberit.
Në rolet kryesore do të interpretojnë aktorët; Kushtrim Qerimi, Yzeir Meha, Safete Mustafa Baftiu dhe Tringa Hasani.
Shfaqja fillon në ora 20:00, dhe regjisori u bën thirrje të gjithë adhuruesve të teatrit që të marrin pjesë dhe të ndjekin këtë rrëfim emocional e reflektues. /Telegrafi/