Shefja e BE-së bën thirrje për sanksione ndaj Izraelit

Ursula von der Leyen ka thënë se do të kërkojë sanksione dhe një pezullim të pjesshëm tregtar kundër Izraelit, për shkak të luftës së tij në Gaza.

"Ajo që po ndodh në Gaza ka tronditur ndërgjegjen e botës", tha presidentja e Komisionit të BE-së në një fjalim për Gjendjen e Unionit në Parlamentin Evropian.

Blloku prej 27 vendesh është i ndarë në qasjen e tij ndaj Izraelit dhe palestinezëve, transmeton Telegrafi.

Mbetet për t'u parë nëse do të gjendet një shumicë për të mbështetur sanksionet dhe masat tregtare.

Ajo tha se planifikon të ngrijë mbështetjen për Izraelin të dhënë nga dega ekzekutive e BE-së, e cila nuk ka nevojë për miratimin e vendeve anëtare.

Nuk është e qartë se sa mbështetje financiare i ofron dega ekzekutive - e njohur si Komisioni Evropian - Izraelit dhe për çfarë përdoret ajo.

"Ne do ta pezullojmë mbështetjen tonë dypalëshe për Izraelin", shtoi ajo.

"Ne do të ndalojmë të gjitha pagesat në këto zona, pa ndikuar në punën tonë me shoqërinë civile izraelite ose Yad Vashem", duke iu referuar memorialit të Holokaustit.

Komisioni gjithashtu i jep mbështetje Autoritetit Palestinez. /Telegrafi/