Sërish protestë në veri kundër ndërrimit të strukturave udhëheqëse në polici
14/03/2017
Qytetarë serbë të veriut, por edhe pjesëtarë të policisë së Kosovës në veri do të protestojnë sërish sot kundër ndërrimit të personave në strukturat udhëheqëse në Policinë e Kosovës në veri, bëjnë të ditur burime të KosovaPress-it.
Protesta do të fillojë para stacionit të policisë në veri të Mitrovicës.
Ndryshe, një protestë e ngjashme është mbajtur edhe të hënën ku kanë marrë pjesë rreth 200 qytetarë serbë, duke përfshirë edhe pjesëtarë të policisë, ndërsa është kërkuar që vendimi i MPB-së të Kosovës në lidhje me zëvendësimin e udhëheqësve policorë, të anulohet.
Sipas protestuesve, një vendim I tillë nga Prishtina duhet të jetë në koordinim me komandën e Drejtorisë së policisë në veri, si dhe strukturat lokale udhëheqëse atje.