Rusi: Aeroplani ushtarak kaplohet nga zjarri, ka viktima
30/05/2017
Një aeroplan transportues ushtarak rus është përfshirë nga zjarri gjatë aterrimit të dhunshëm, me ç’rast ka humbur jetën një anëtar i ekuipazhit dhe pesë të tjerë janë lënduar, njoftoi Ministria ruse e Mbrojtjes.
Aksidenti ka ndodhur sot në bazën ajrore Balashov, 570 kilometra në juglindje të Moskës, transmeton KosovaPress.
Shkaku i aksidentit ishte prishja e njërit motor gjatë aterrimit. Antonov "An-26" është aeroplan me dy motorë, i projektuar kah fundi i viteve të gjashtëdhjeta në Bashkimin Sovjetik, ndërsa sot është ende në përdorim në Rusi dhe në gjithë botën.