Rama falënderon Klintonët dhe Hillarët e Kosovës që ishin në ceremoninë e nderimit të ish-presidentit amerikan
Kryeministri i Shqipërisë, Edi Rama në fund të vizitës presidentit të 42-të i SHBA-së, Bill Clinton, ka falënderuar Klintonët, Hilarit dhe vetë Billklintonin, që erdhën dje nga Kosova për t’i dhënë ngjarjes së rrallë përmasën e një zemre të madhe.
Rama madje ka postuar edhe një video.
Përndryshe, në ceremoninë e organizuar nga Qeveria e Shqipërisë, për më shumë se 30 minuta, iu është dhënë mundësi të rinjve nga Kosova që ta falënderojnë Clinton për kontributin e tij për Kosovën.
Megjithatë, aty nuk u pa asnjë nga përfaqësuesit e institucioneve të Kosovës.
I ftuar nga qeveria shqiptare, ish Presidenti i 42-të i SHBA-ve, Bill Klinton, të hënën u prit me nderime në Tiranë, ku mori medaljen e “Yllit të Mirënjohjes për Arritje Publike”, si një vlerësim për ndihmesën e tij në fillimet e demokracisë në Shqipëri, si dhe rolin e tij të veçantë në ndalimin e dhunës serbe në Kosovë në vitin 1999./Telegrafi