Qeni i hutuar nuk mund ta kapë ‘ashtin’ në fund të enës (Video)

Silke Caproens nga Keplen i Norvegjisë, e ka filmuar qenin e saj, teksa përpiqet të kapë një asht të vizatuar në fund të enës.

Kafsha me emrin Quick, provon ta kafshojë figurën që ngjanë me ushqimin e tij të preferuar, por nuk ia del, transmeton Telegrafi.

Më pas, ai e fut këmbën në ujë dhe me putër, provon ta nxjerrë ‘ashtin’ përjashta.

“Ky është ylli i shtëpisë tonë, që provon dhe dështon të ushqehet si duhet”, ka shkruar Caproens përbri videos, që është parë mbi dy milionë herë. /Telegrafi/